shemy
فعال
عدد الرسائل : 45
تاريخ التسجيل : 12/01/2008
نقاط : 0
السٌّمعَة : 0
 | | موضوع: خواطر قصيرة مضحكة السبت أغسطس 23, 2008 2:53 am | |
| خواطر قصيرة مضحكة
علمتك يا ابنى ركوب العجل
وقول الشعر وكلام الغزل
لكن نسيت اقولك تعيش
فى الدنيا ديب متبقاش حمل
سماح يا بنت الايه فى الدنيا ربطانى
بموت فيكِ عشقكِ وعشقانى
دا اللى شاف حبنا قال بلا نيله
بكره تكون شكوتكِ عمره ما عشانى
مايه وقفه وفاس كمان وياه
تسلم دراعك تزرع الارض حياه
علمنى صنعتك فى الاخرة تشفعلى
طلع حانوتى معدى وعدته وياه
بليتشوه من لذته ياما ابكى الناس
اللى أمامه انحنى وياما جبينه أنباس
تلقاه وحيد فى دنيته ماشى كده
ياما اندعق واضرب وياما انداس
قطه زى القمر واجمل من الحكايات
عشقتها فى وحدتى وبفرشتى بتبات
ماتت وقلبى انفطر والحزن بقى ضلى
غريبه قلبى الحجر يحزن على الحيوانات
جنونى فاق الخيال والخيال فنان
رسمت انا صبيه ويا اسد جوعان
ورسمتنى انا فارس شجاع مغوار
بصيت لنفسى لقتنى شكلى جبان
ركبت فوق الجمل وقلت انا خيال
ضحكوا الخلايق وقالوا اشتغل جمال
جمل حصان أو فرس تفرق فى ايه
والكل فى دنيته عاش للهموم حمال
شعرك يا بنت الايه ليل وحبله طويل
مشيت بليلى اغزله بالعشق والمواويل
طلعوا العوازل عليه من العتمه خطفونى
عاشق وايه تهمتى قالوا حرامى غسيل
برجل واحده بدوس عليكى يا دنيا كده
فرحان سعيد ببتسم وانتى منكده
ازعل لايه وعشان ايه والحزن همه ثقيل
هى دنيا تجبها كده لازم حتفضل كده
بهلوان على الحبل عمال بيتنطط
جمهور سعيد فرحان وبيزأطط
شقلباظ فى الهوا وهوب على الارض مات
جمهوره من نشوته قال بيستعبط
رب البشر والدود ومالك الملكوت
راجع بتوب قبل ما ليلى يفوت
رافع إليك دعوتى ثبتنى على دينى
عبدك وشاف بعنيه الحياه والموت [/] | |
|
RoCk
عضو
عدد الرسائل : 3521
تاريخ التسجيل : 01/08/2007
نقاط : 1081
السٌّمعَة : 7
| | موضوع: رد: خواطر قصيرة مضحكة الأحد أغسطس 24, 2008 9:31 am | |
| رائعين ياشيموووو عجبتني ديه اوي بهلوان على الحبل عمال بيتنطط
جمهور سعيد فرحان وبيزأطط
شقلباظ فى الهوا وهوب على الارض مات
جمهوره من نشوته قال بيستعبط  | |
|
