alpos_a
ماسى
عدد الرسائل : 1199
العمر : 35
الموقع : دريم الحب
العمل/الترفيه : مشغول البال
منعنش
تاريخ التسجيل : 12/01/2008
نقاط : -3
السٌّمعَة : 0
 | | موضوع: اعترافات عرافة الأربعاء يوليو 30, 2008 1:52 am | |
| أبين زين أبين و أوشوش الودع
و أقول الحظ المبين للبنت و للجدع
بقرا الكف و الفنجان
و أضحك على عقل الإنسان
بشوية فهلوة و حركات و خدع
أبين زين أبين و أوشوش الودع
كلمتين بقولهم لكل صنف و لون
أدامك سكة سفر و تحتك عمل مدفون
يا عم ارمي بياضك و إلى عايزه يكون
لو سحر هفكهولك و أخلى شره يتمنع
أبين زين أبين و أوشوش الودع
مطلوب حاجات تجيبها و أوعى تتأخر
ألا عفركوش يعملها و عليك يتهور
و أخرتها تتأذى و ممكن تتعور
و يعفرتك و يعملك البدع
أبين زين أبين و أوشوش الودع
مطلوب بخور حبهان و مستكة
و غراب أسود حالته مهستكة
و كتكوت أصفر شمورت
و فرخة عرجة بتنط
و قماش يكون بيمط
و ديك متهور مندفع
أبين زين أبين و أوشوش الودع
إلى يضحك إنهم بيصدقونى
و في كل مشاكلهم بيجبونى
و مهما طلبت منهم بيدونى
و كله بيمشى من عندي مقتنع
أبين زين أبين و أوشوش الودع
يا ناس أصحوا و فوقوا
ده طباخ السم بيدوقوا
لو صحيح كلام العرافة
و بجد مش هزار و خرافة
كانت عرفت مصيرها
بدل ما تعرفه لغيرها
و كان قالهولها الودع
بصوت واضح يتسمع
بدل ما تلعب بالعقول
و تفضل تنادى و تقول
أبين زين أبين و أوشوش الودع
و أقول الحظ المبين للبنت و للجدع __________________ | |
|
nana
انتي مبدعة
عدد الرسائل : 2898
العمر : 34
تاريخ التسجيل : 04/08/2007
نقاط : 36
السٌّمعَة : 0
| | موضوع: رد: اعترافات عرافة السبت أغسطس 09, 2008 7:39 pm | |
| نايس توبيك يا ALPOS_A , وانت غايب عنا بقالك كتير ارجع للمتدى تانى بقى | |
|
RoCk
عضو
عدد الرسائل : 3521
تاريخ التسجيل : 01/08/2007
نقاط : 1081
السٌّمعَة : 7
| | موضوع: رد: اعترافات عرافة السبت سبتمبر 06, 2008 2:46 pm | |
| منور المنتدي بوووس بالتوبيك الرائع بتاعك وفعلا علي قول نانا انت غايب وبجد افتقدنا اخ غالي علينا والله يارب متغيبش تانا ياغالي عنننا | |
|
