اراهنكم ان الكلام ده موجود في كل البيوت

أشهر جمل بيقولوها الأب و الأم فى مصر





انت فاكرنا لاقين الفلوس دى في الشارع .

ما تتكلمش بصوت عالي في الحمام .

و الله ما انت فالح .. و ادي دقني أهه .

ما تنمش غير لما تغسل سنانك .

ما تلزقش في التلفزيون كده .. نظرك هيضيع .

سلم على عمك كويس يا ولد .

يا ابني محدش هينفعك سيبك من الكمبيوتر بقه .

دول شباب فاضيه ورايقه بتوع المنتديات دول
قوم ذاكر لك كلمتين .

ما تطلعش ايدك من الشباك .

قصة الغريق الكاذب اللي كل مره يقول الحقوني ...
لحد ما غرق بجد .

ربنا يرزقك بعيل يوريك اللي ورتهوني .

ما تطلعش على الملايه النظيفه و رجليك متوسخه كده .

نسيت تشرب ؟
نسيت تاكل ؟
نسيت تاخد المصروف ؟
نسيت تعكنن عليا و على امك ؟
أشمعني الصلاة اللي بتنساها ؟

طلع ايدك من جيبك و انت بتكلمني .

ايه الا مبالاه و الاستهتار اللي انت عايش فيهم دول .

قوم اقرا لك كلمتين ينفعوك .

وطي المدعوق ده شويه .

انت فاكرنا نايمين على ودانا ؟

يا ابني انت مسطول ولا ايه ؟

ما تلبسش القميص على اللحم زي العيال الصايعه .

بلاش أكل بره .

كلمنا لما توصل .

عيـــب ... لازم تحترم اللي أكبر منك .

لو شفت خناقه ما لكش دعوة بيها .

لازم تأكل سلطه .

اوعى تكدب عليا كده تاني مره .

اوعى حد غريب يديلك حاجه تاكلها و تشربها و تاخدها منه .

يا ابني كلم خالتك العيانه اسأل عليها .

بلاش لعب في الشارع .

ما تعليش صوتك .

و انت فاكر احنا مستنيين منك حاجه .

المسلسل مش هينفعك ...قوم اتنيل ذاكر .

ما تقعدش قدام المروحه و انت مستحمي .

كفايه رغي في التليفونات .

بلاش وقفة الشبابيك و البلكونات .

اوعى تقول لحد هات لي حاجة .

كل على مهلك ..
و امضغ كويس ...
و ما تكلش و انت واقف ..
و كل من قدامك ما تحفش .

اطفي التلفزيون و قوم ذاكر .
أو اطفي التلفزيون و خش اوضتك .

ربنا يهديك ربنا يهديك ...
وأحيانا ..
انك لا تهدي من أحببت .

صليت العصر ؟!

ما تمشيش حافي في السقعة دي .

ما فيش مذاكرة على المزيكا ..
أو .. بتذاكر إزاي و البتاع ده شغال جنبك .

افرد ظهرك .

ما تتأخرش بعد المدرسه و تقعد تصيع مع أصحابك .

بص كويس و انت بتعدي الشارع .

و مالها الكتب بتاعة الوزاره ؟!

اللي بيشيل قربه مخرومة بتخر عليه لوحده ..

لو مش فاهم حاجه ارفع ايدك و قول للأستاذ مش فاهم .. متتكسفش .

تقعد في أول صف قدام السبوره .

ما تردش عليا .

مش عايز اسمع صوت .

مالكش دعوة بالسياسة .. و ماتمشيش في مظاهرات .

التهديدات
المخيفة شكلا
و الكارتونية مضمونا
مثل:

هأقطم رقبتك
أو هأقطع ايدك
أو هأقطع لك لسانك
أو هأدبحك دبح .


و أخيرا


ضرب امثلة تشجع على الكفاح
و أشهرها

أحد الأقارب اللي كان بيذاكر على لمبة جاز
أو على عامود النور اللي في الشارع
و نجح و خد الدكتوراه و سافر أمريكا



منقـــــــــــــــــــــــــــــــــــــــــــــــــــــــول

ايوه هههههههههههههههههههههههههههههههههههه

ميرسى يا سمسم

شكرا لمروركم جميعا ويارب الاهل يبطلو الكلام ده

شكرا ليكي قمر الليل الكلام ده والواحد لسه صغير بس لما نكبر خلاص هما قبل مايشوفونا بنعمل كده ولا لا اول لما ادخل من باب البيت بتتقال يعني المفروض انها تتقال مره وخلاص
مش علي طول وبعدين لو عملنا الحاجه دي تاني ليهم الكلام

ههههههههههههههههههههههههههههه
عرفت منين بقى الحاجات دي ههههههههههههههههههههههههه

والله بتحصل بس مش لدرجة اغسلي رجلك ومتطلعيش على الملاية ورجلك مش نضيفة هههههههههههههههههه

مرسي ليك جدا جدا جدااااااااااااااااااااااااااااا

ههههههههههههههههههههههههههههه مرسي يا سمسم حقيقي الحاجت دي بتصير بالبيوت خخخخخخخخخخخخخخ.