* لما تسأل واحد و تقولو اقول ولا مقولش .. يقولك قول .. قوله قول و طعميه .
* لما تسأل واحد و تقوله صح ولا غلط .. يقولك صح .. قوله صح النوم .
* لما تسأل واحد و تقوله الكلام دا حصل .. قالك حصل .. قوله حصل و طحينه .
* لما واحد يقولك انا جيت نورت البيت قله .. لا دا نور السطوح .
* لما تسأل واحد و تقوله دا احلى ولا دا .. و قالك سيان .. قوله سيانى بتوجعنى انا لازم اروح لدكتور السيان .
* لما واحد يقولك صباح الخير .. قوله صباااااااح اللى بتغنى .
* لما تسال واحد ايه رايك فى حاجه .. و قالك جامده .. قوله جامده برباط .
* لما تلاقى واحد لابس شيك كده او عامل حاجه حلو .. قوله ايه الحلاوه ديه حلاوتك ديه ولا حلاوه الرشيدى الميزان .
* لما تلاقى واحد شكله حلو .. قوله جمالك دا ولا جمال الدين الافغانى .
* لما واحد يقولك ان بيعمل حاجه و مش راضيه تتعمل .. قوله ما انت فقر اه فقر و قطه .
* لما واحد يسألك انت فين ؟ .. قوله انا فى العلبه و علبه مكتوب عليها صحتك فى العلبه ديه حليب مصفى لاخر قطره .
* لما واحد يسألك انت مين .. قوله بتاع الميلامين الجامد و المتين .
* لما واحد يقولك طز فى اي حد .. قوله طز بلبن .
* لما واحد يقولك دا انا مفيش زيي و احنا اللى دهنا الهوا دوكو .. قوله احنا اللى عملنا الهوا كروهات و لبسنا السمك مايوهات و خرمنهالو لما حبينا نغرقو .
