مزاكر مش مزاكر حتسقط

ده أحلى يوم في حياتي..

يوم الامتحان.. عارفين ليه ؟؟!

عشان ده اليوم اللي ببخ فيه الإجابة في الورقة بعد ما قعدت أحشي المعلومات في دماغي طول أيام المذاكرة المخنقة..

لبست هدومي.. و قبل أن أخرج من باب البيت.. نظرت إلى الكتاب..
و قولتله : و ربنا.. و ربنا ما ح ذاكرك تاني..

ثم ذهبت إلى اللجنة مسرعاً و أنا سعيد إني خلاص حفضي دماغي من مادة كاملة

- طبعاً ده إن نجحت فيها إن شاء الله -

وصلت إلى مكاني في اللجنة.. و بعد أن جلست وزعوا علينا ورقة الإجابة..
و طبعاً زي كل الشعب.. سطرت الورقة و جهزتها للفرم اللي حيحصلها..

و فجأة !!!!!!

وزعوا علينا ورقة الأسئلة..
نظرت إلى الامتحان و أنا لا أصدق نفسي..
يا حومتي !!!..
إيه ده يا واد يا جمعاوي ..
معقول ..
هو ده امتحان ؟؟! ..
مش ممكن!! ..
ده امتحان محصلش في الأرجنتين..

- متسألوش اشمعنا الأرجنتين ؟! طبعاً عشان بحب ديفيد بيكهام -

لقيت الورقة ..
عجيبة ..
غريبة..

كالآتي :-

*******

الاسم : اكتب اسم الحاجة أمك :...........
رقم موبيلك : ..............
الإيميل : ........... ............
السيبر المفضل : .............

السؤال الأول : اختار من بين الأقواس الكلام الصح :

1- حنان ترك اتحجبت يعني............
( لبست جزمة - لبست ساعة - لبست ايشرب )

2- اللي بنى هرم خوفو............
( طلعت مصطفى - المقاولون العرب - مقاول عادي - خوفو )

3- اللي بنى .. بنى مصر كان في الأصل......
( حلاق - نجار - تاجر مخدرات - السيد - حلواني )

4- البرنامج اللي بيجي ع القناة الأولى كل يوم الساعة 7.00 صباحاً و محدش بيتفرج عليه برنامج .. صباح الخير ............
( يا ماما - يا بابا - يا خالو - يا ريس - يا مصر )

5 - مصر هى أمي نيلها جوا ...........
( بطني - جيبي - دمي )

6- رئيس مصر القادم السيد ......
( جمال مبارك - جمال مبارك - جمال مبارك - كل ما سبق )

السؤال الثاني : أكمل الجمل الآتية بكلام م الآخر :

1- انتبه من فضلك السيارة ترجع إلى...............

2- ماما زمنها...........

3- من خلال تجاربك السابقة ... البامبرز استيك منه............

4- طلعت أدّب نزلت أدّب لقيت الدب بيأزز ............

5- اسم والد اللاعب وائل جمعة الحاج ............ ..

السؤال الثالث : ضع علامة NIKE أو علامة غلط أمام الكلام الجاي :

1- بابا فين ؟؟ .. بابا هنا .. قوله مين ؟؟ قوله عمو ( )

2- الشرطة دائما في خدمة الشعب ( )

3- اللي بيته من سيراميك ميحدفش الناس بالبلاط ( )

4- شاي الجوهرة حتة سكرة ( )

5- يحكم مصر النظام الملكي ( )

"ملحوظة : لو معرفتش سؤال ابقى طلع المنفستو اللي معاك يا جمعاوي .. غش براحتك .. كده كده حتسقط يا جمعاوي عشان تحرم تقول لكتاب المادة بتاعتي كده .. ماشي يا جمعاوي !!!! "

قريت الورقة و أنا في اسبهلال تام ..
فركت عيني مرة و أتنين .. و الورقة زي ما هي ..
قريت الملحوظة اللي في آخر الورقة تاني .. و تالت ..
و أنا مش مصدق إن الدكتور كاتبلي ..

"ماشي يا جمعاوي .. ماشي يا جمعاوي"

-جمعاااااااااااااااوي..
أنت يا وااااااااااد يا جمعاااااااااااوي
قوم بقى .. عشان تروح الامتحان -

استيقظت من نومي..

ثم نظرت حولي ..

إيه ده أنا لسه في البيت مرحتش اللجنة ..

الحمد لله كنت بحلم ..

و وجدت الكتاب جنبي ع السرير ..
فأخذته في حضني و قولتله ...

يا لهوي يا كتاب..
بحبك يا كتاب..
بموت فيك يا كتاب..
بعشقك يا كتاب ..
مقدرش أعيش من غيرك يا كتاب ..
هو أنا ليا بركة إلا انت يا كتاب...

------------

م

ن

ق

و

ل

برافو حلووووووو

هههههههههههههههههههههههههههههههه

نايس توبيك سمسم شور فانى والى الامام انشاء الله

جامد جدا يا سمسم

وثانكــــــــــــــس

هههههههههههههههههههههههههههههههههه

اسئلة صعبة اوي حرررررررام هههههههههههههههههههههه

مرسي يا سمسم

ههههههههههههههههههههههههههههههههههههههههههههههه

حلوه موت ميرسى ليك

شكرا يا سمسم
هى فعلا الاسئله لما اى حد يجاوب عليها عارف النتيجه بدون شك

مــــــرســـــى اوى اوى اوى

يـــــــــــا واد

سمسم منور يا واد

ههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههه

انا مش عرفه اعمل حاجه غير انى اضحك

شكرا ليـــــــــــــــــــــــــــــــــــــــــــــــــــــــــكم كلكم علي تعليقاتكم

هههههههههههههههههههههههههههههههههههه

إمتحان ولا أسهل