اخواني اعضاء منتدي دريم انا كنت في موقع بتصفح فيه
وقريت عن بنت بتحكي قصتها وعجبتني قصتها جدا لانها من قصص الزمن الجميل وحبييت انقلها ليكم
انشاء الله تعجبكم تفضلو ..
مرحبا زوار هذا الموقع الرائع حبيت اكتب ئصتي لانو ما عاد فيني اتحمل البي رح يوئف من الالم يلي فيو بس اسمعوني بليز ومو طالبه غير هيك, انا فتاه عمري 21.5 سنه جميله
جدا بحكم من يراني لا ينقصني اي شيئ ادرس الطب في المانيا هذه السنه الاولى لي,كل هذا لا يهم المهم هو اني حبيت شخص رائع جمال وادب واخلاق عمرو 26 ومن عيله ميسوره يعني فارس حلم اي فتاه عشت معه قصة حب لا مثيل لها كانت اجمل لحظات عمري لحظات يحسدني عليها اي شخص, كنت اذهب معه يوميا الى مشاوير وطبعا اكيد كان معي خيي يلي هو اكبر مني بسنه كنا نلعب ونضحك ونسهر وناكل مع بعض ما كان يفرئنا شي غير النوم وكل هادا بعلم اهلي لانهم كانو عارفين انا بدنا ننخطب المهم بيوم كنا طالعين انا وحبيبي وخيي حبيبي ورجاني خاتم وحكالي هادا خاتم خطوبتنا ورح ابعت اهلي يخطبوكي رسمي كمان يومين فرحت كتير وكنت اسعد مخلوئه المهم تاني يوم كان هو سهران مع اصحابو لما رجعو على البيت بالطريئ كان في مشكله نزل حبيبي واصحابو ليشوفو ايش في رصاصه طايشه اجت فيو وكمان بصاحب الو نئلو على المستشفى بسرعه من هونيك اتصلو باهلو خيو اتصل فيني وحكالي ركبت سيارتي متل المجنونه ما بعرف كيف وصلت المستشفى لما وصلت اجت دكتوره علم نفس اخدتني انا ومامتو لحبيبي وحكتلنا انو مات انا ما عدت اعرف ايش اعمل رجعنا البيت ولما اجو لحتى يغسلو انا شفتو فئدت وعيي وبعد اشهر رجعت الامور لطبيعتها بس انا ما نسيتو ضل بالبي وبروحي انا كتير متعلئه فيو كان كل يوم يفوت خيي على اوضتي يلائيني عم ابكي او عم بتفرج على صورنا بالحلات وبالسهرات, بعد سنه تئريبا اجا موعد سفري اتئدملي شاب يعني كتير مناسب الي بس رفضت وكل ما كان يتئدملي شاب ارفضو وبالجامعه بالمانيا تعرفت على صديئ كتير منيح هو من هون عرب اسرائيل كنت طول الوئت ضل معو بس لما خبرني خيي انو طلب ايدي منو ابعدت عنو, انا هلأ عايشه جسد بلا روح مشتائه للمست ايدو ولحنان حضنو مشتائه لعيونو يلي كانت دايما تحكيلي بحبك, كل ماروح على محل بتزكر انا كنا هونيك البي بيتئطع يعني حياتي صارت جحيم مو متخيله حالي بهالدنيي بدون حبيبي عمري وروحي وحياتي حتى فكرت اني اترك تعليمي لاني يئست من هاي الحياه بس خيي منعني وشجعني وحكالي انو حبيبي رح يكون مبسوط اذا حئئت يلي كان بدو ياه وهو كان دايما يئلي ايمتا شوفك دكتوره كبيره ورح حئئلو حلمو وكون دكتوره وما رح ارتبط بانسان غيرو يعني ما في بعدك بحياتي يا حياتي, ما بعرف يمكن تئولو انو هاي ئصه خياليه او بنفع تكون فيلم بس صدئوني هاي هي حئيئة المأساه يلي انا عايشتها حاسي حالي بكابوس ما في الو نهايه بتمنى ما تكونو نزعجتو من ئصتي الحزينه والمأساويه جدا ويا رب ولا بنت اتدوئ يلي انا دئتو لانو فعلا حياتي اصبحت ظلام وسواد شكرا لاستماعكم لي اختكم "m" ....
ايه رئيكم في القصه
لو قريت القصه وعجبتك وعندك تعليق انا في انتظاره وشكرا
