الزمن بينسى دايما . مع الزمن مفيش وعود
اللي كان عايش في قلبي النهاردة ملوش وجود
الزمن ملوش صاحب ملوش قلب ولا مشاعر
خطوته مشوار في قلبي عشت فيه دايما مهاجر
مع الزمن الجرح بيتنسي والذكريات الحلوة تدبل
مع الزمن بنبتدي دايما حكاية فيها نخلص
ننسى الملامح والوجود والعناوين
يمكن نتوب عن ذكريات عاشت معانا
ضاعت في يوم من الزمن
الزمن دموع بتجري او ضحكة ما لها أي معنى
او لعبة ملناش يد فيها مهما اتشائمنا وتفائلنا
كنت اجبن منه دايما عمري ما فكرت اواجه
كنت خايف منه يمكن لو كان بشر كنت فهمته
تلاته وعشرين سنة من يوم ما اتولدت احلم معاه
يوعدني اصدق تلاته وعشرين سنة مروا وكأنهم سراب
وكان بيكدب عليا و كتب حكايته على الوجوه
والأم في كل ضحكة وساب علاماته الحزينة فى قلبى متينه .
