-يفرز في حالات انخفاض السكر وهو اقوى المحفزات للافراز ويدلنا هالشئ على ان كثرة اكل الحلويات عند الاطفال يعيق النمو عندهم <<تحس المبزره انواع الدعاوي عليه .
-يفرز ايضا في الجهد العضلي اللي يعقب الهضم يعني من المفيد انك تخلي اطفالك يراكضون بالحوش بالعصر -تناول البروتينات
(لا يجي احد يقول وش البروتينات اقعد اجلده فوق علامة تسجيل الخروج )
ومايجي احد ويقعد يحسب انهن البروتينات اللي ياخذونهن حقين الاثقال
ويخلي بزره يسف منهن البروتينات هي اللي تجي من الاكل الطبيعي اللحوم وغيرها.
-خلال النوم ثبت ان هرمون النمو يفرز عدة مرات يعني لايجي بزر انواع المواصله على البلاي ستيشن ويرجي انه ينمو طبيعيا اسمحولي يعني .
-حالات الضغط النفسي يعني العواطف حزن خوف فرح يعني من المفيد انك تصفق ابنك مره كل يومين << داعين عليه الله لا يعوق بشر
-فيه ادويه تخفض هرمون النمو واشهر شئ الستيرويدز.
*ماهو عمل هذا الهرمون؟
له تاثيرين الاول: -قصير الاجل (وهو تاثيره على الايض في الجسم)
-طويل الاجل ( وهو تاثيره على النمو الخلوي)
-قصير الاجل على يأثر على :
الدهون يقوم بحرقها.
البروتينات يزيد عملها.
الكربوهيدرات يحرق الجلوكوز.
-طويل الاجل يأثر على :
يزيد حجم الخلايا يزيد عدد الخلايا يقوم بتحويل انواع معينه من الخلايا
وتاثيرها المهم هو على العظام والغضاريف
وذلك بانه
يزيد ترسيب البروتين داخل الخلايا العظميه والغضروفيه يزيد عدد الخلايا العظميه والغضروفيه وتاثيرات اخرى تساعد في نمو العظام
طبعا ممكن يكون فيه خلل في افرازه وهذا اللي يطلع لنا العملقه
والقزمنه على حسب نوع الخلل سواء كان زياده والا نقص
وواضح هالشيئين بهالصوره:
هرمون النمو يتوقف افرازه عند البلوغ
وممكن فيه حالات يفرز فيها بعد البلوغ فالنمو متوقف لذلك يخلي العظام تنمو بالعرض يعني يزيد حجم العظام ويسمى هذا المرض بالــ Acromegaly وهذي صوره لمريض :
) 
.
