الفرق بين الحب والاحتياج للحب .^_^

الفرق بين الحب والاحتياج للحب

الحب

شعور جميل بيتولد بين شخصين من غير اتفاق مشاعر بتطلع بالتبادل بتاخد وبتدى ومن غير ما تحسب انت

اديت ايه واخدت ايه

القلب فيه مضخة بتضخ الحب لجميع اجزاء الجسم مع الدم عقلك بيفكر فيه /عينك دايما عليه/ شفايفك دايما

تنطق باسمه/ رجليك دايما تروح للمكان اللى هو فيه

مشاعر جميلة بتطلع من غير قصد ومن غير ما تتحسب ومن غير حتى ما تصرحله انك بتحبه

مشاعر رقيقة لعلاقة بريئة بعيدة عن المصالح والمجاملة والروتين

الحاجة الوحيدة اللى تحس فيها انك على طبيعتك وبحريتك وبتعيش اسعد لحظات حياتك

الاحتياج للحب:

شعور بيحسه الانسان الوحيد ويمكن يكون عايش مع ناس بس مش حاسين بيه او مش حواليه

بيحس انه محتاج لقلب يشاركه همومه والامه ووحدته اوقات فرحه يديله حنان وحب وعطاء

ولكن ..............واه من قسوتها لكن

ربما بعد ما ياخد ويحس بكل اللى كان فاقده ميبقاش محتاج للقلب ده فى اى شئ ودى مش خيانة او جحود

دى غلطة ابتدت من الاول الطرفين ملهومش ذنب فيها

هو حس باحتياج لحب وحنان ولقاه ف انسان من غير ما يتاكد اذا كان بيحبه ذاته او لا

كتير مننا بيغلط اوى وبيخلط الامور ببعضها ومش بيتاكد من مشاعره ويندفع لدخول فى تجربة وهو مش مدرك

انى دى مسؤلية كبيرة اوى مش مجرد كلمتين حب وخلاص

ومن هنا جه الفرق بين الحب والاحتياج للحب

كتير مننا بيحس ان بابا وماما واخواته مش سالين فيه

اصحابه كل اللى طالع عليهم الهزار مش بيتكلموا جد ابدا كل اما يحكي لحد على حاجة يتريق ويهرج

طيب هو ده معناه انك تربط نفسك بعلاقة انت مش واثق من مشاعرك فيها

يا سيدى عارفين انك قرفان من الدنيا وعاوز حد تحط راسك على كتفه(معنويا فقط )وتشكيله همومك

بس مش كدا

اوعى تورط او تورطى نفسك فى حاجة انتى مش قدها

اتاكد من نفسك الاول قبل ما تربط حياة شخص بيك

محتاج لحب دور فيه على اللى حواليك اكيد فى ناس بتسال عليك جرب تحكى لحد بلاش اصحابك

اهلك حتى

عجبتنى جدا اغنية بتاعة مسلسل بتقول (ولاحد يشيل عنك همك الا اللى دمه من دمك)

دور على الحب فى اخواتك فى مامتك فى باباك اكيد لو انت حتى بدات هما كان هيبادولك نفس الشعور

اسال على الناس هيسالوا عليك

ومتقربش لعلاقة حب الا لو .............

كنت واثق ومتاكد من مشاعرك

إهـــــــــــــداء لكل من يبحـــــــــث عن الحـــــــــــب

فيرى جود محمد نايس توبيك شور وعجبنى جدا لان الاحساس ده هتلاقيه فى اغلب

الجيل الحالى بس احب اضيف لمسه صغيره جدا

لو دورت على الى من دمى وشاركتهم الى انا فيه بيعطونى ممكن اهتمام للحظه الى انا محتجاهم

فيها وبعد كده الامور بتصير نورمال وده بسبب انشغال كل الاطراف بالعمل وظروف حياة

كل منهم ايه يكون التصرف شور هيتم البحث عن الشخص الى يحب دايما يسمعك ويكون معاك

مش شرط يبقى حب لوف ياعنى لا ممكن تكون صداقه وساعات كتير الصداقه بتكون اجمل بكتير

من الحب ولو انى حاليا صعب جدا البحث حتى عن الحب

ياعنى كلامك صح اه محمد وده الحقيقه بس مش دايمه صدقنى وبرده نعزر كل انسان من اهلينا

لانشغالهم بالعمل وظروف الحياه ولازم نفهم انهم لو مش بيحبونا مش هيتعبوا عشانا بس ياريت

مينشغلوش قوى ويحاولو يكونو اغلب الاوقات معانا وزى ما هما هيكونو معانا احنا كمان لابد

من اثبات وجودنا معاهم حتى لو بكلمة حب بسيطه تجاههم .

وكده الحياه هتصير بخير ويارب اكون ضيفت تعليق بسيط عالتوبيك ومكونش طولت بالرائى

بس فعلا التوبيك جميل والى جوه اغلبنا شور

ثانكس محمد تحياتى

كلامك مظبوط ييارا.

وشكرا على المشاركه الجميله جدا .

وفى حفظ الله دائما.

عجبتنى جدا اغنية بتاعة مسلسل بتقول (ولاحد يشيل عنك همك الا اللى دمه من دمك)

فعلا يامحمد ولا حد حيشيل همك الي اللي دمه من دمك مهما كان تعاطف الناس معاك ده طبيعي انه حيكون لفتره معينه لكن الحب الحقيقي هوا حبك لاهلك والي من دمك
وبصراحه قمر تعليقها مخلنيش اقول اي حاجه لانها قالت كل حاجه والف شكر علي موضوعك الرائع يامحمد
وشكرا لاضافة تعليقك الجميل ياقمر

وانشاء الله تواجدنا مع بعض حيكون علي الحب ديما لاننا كلنا اسره وحده

ان شاء الله يخالد .

وشكرا على مشاركتك الجميله .

» عاوز تعرف أعراض الحب أتفضل هنا فى دريم الحب
» ليس من يتكلم عن الحب كمن يتألم من الحب
» الفرق بين حب المراه وحب الرجل........
» الفرق بين قلب المرأة والرجل
» سيد الحب